પ્રશ્ન:અમુક વ્‍યકિતના ફોટાને બિલકુલ સામે રહીને જોતાં એ વ્‍યકિત પણ આપણી સામે જોતી હોય એવું જણાય છે. એ પછી ડાબી કે જમણી તરફ ખસીને નજર કરો ત્‍યારે પણ તેની નજર આપણી સામે જ હોવાનું કેમ લાગે છે ?
જવાબ: આ જાતનો આભાસ ખરેખર તો આપણો દ્રષ્ટિભ્રમ છે, પરંતુ દર વખતે તેવો ભ્રમ થતો નથી. વૈજ્ઞાનિક રીતે કહો તો ફોટામાં કે ચિત્રમાં રહેલી વ્‍યક્તિની કીકી બિલકુલ આંખના કેન્‍દ્રસ્‍થાને હોય એટલે કે વચ્‍ચોવચ હોય ત્‍યારે જ આવું બને. ચિત્રના કે ફોટાના સંદર્ભમાં ડાબી તરફ ખસો ત્‍યારે વ્‍યક્તિનો એંગલ બદલાય છે, પરંતુ સાથોસાથ કીકીના એંગલમાં પણ એટલે જ ફરક પડે છે. પરિણામે સમજી લો કે આપણા માટે તેનો ફોટામાં કશો ફરક પડ્યો નહિ—અને માટે તેની નજર પણ સતત આપણી સામે મંડાયેલી જણાય છે. વ્‍યકિત એકધારી ટગર ટગર આપણા તરફ જોયા કરતી હોય એવો ભ્રમ થાય છે. ધારો કે કીકીનું સ્‍થાન આંખમાં તદ્દન વચ્‍ચોવચ ન હોય તો ડાબે કે જમણે ખસ્‍યા કરો તેમ તેના ચહેરાનો એંગલ બદલાય, પરંતુ તેની કીકી તે પ્રમાણે ખસતી નથી. અગાઉ મુજબ ત્રાંસી મંડાયેલી રહે છે.